1. desember 2025
Gildis lækkar óverðtryggða vexti eldri lána
Stjórn Gildis hefur ákveðið að lækka óverðtryggða vexti eldri sjóðfélagalána um 0,25%. Breytingin tekur gildi í dag, mánudaginn 1. desember. Verðtryggðir vextir sjóðsins haldast óbreyttir að þessu sinni.
Eftir lækkunina verður vaxtatafla sjóðsins eftirfarandi:
| Grunnlán (allt að 60% veðhlutfall) | Viðbótarlán (60-70% veðhlutfall) | |
|---|---|---|
| Óverðtryggt – breytilegir vextir | 8,75% | 9,50% |
| Verðtryggt – breytilegir vextir | 4,30% | 5,05% |
| Verðtryggt – fastir vextir | 4,30% | 5,05% |
Athugið að breytingin tekur aðeins til eldri sjóðfélagalána en sjóðurinn metur um þessar mundir áhrif dóms Hæstaréttar um skilmála í lánum Íslandsbanka. Á meðan veitir sjóðurinn ekki lán með breytilegum vöxtum, hvorki verðtryggð né óverðtryggð.